Անվտանգության երաշխիքներ պետք է տրվեն և՛ Ուկրաինային, և՛ Ռուսաստանին. Պեսկով
Անվտանգության երաշխիքներ պետք է տրամադրվեն և՛ Ուկրաինային, և՛ Ռուսաստանին: ՌԻԱ Նովոստիի հետ հարցազրույցում հայտարարել է ՌԴ նախագահի մամուլի քարտուղար Դմիտրի Պեսկովը:
«Չէ որ ի՞նչն էր այս հակամարտության հիմնական պատճառներից մեկը։ Երբ մեր երկրի համար սկսեցին խախտվել անվտանգության երաշխիքների հիմքերը, երբ սկսեցին Ուկրաինային ՆԱՏՕ ներքաշել, և երբ ՆԱՏՕ-ի ռազմական ենթակառուցվածքը սկսեց մոտենալ մեր սահմաններին։ Եվ իհարկե, կարգավորման գործընթացում այդ երաշխիքները և՛ մեզ, և՛ ուկրաինացիներին պետք է տրվեն»,- հավելել Է Պեսկովը։
Ընդ որում, Պեսկովն ակնարկել է, որ երաշխիքներ չեն կարող լինել օտարերկրյա ռազմական առաքելությունների ներկայության հաշվին։
