Գերմանիայի պաշտպանության նախարարը քննադատել է Եվրահանձնաժողովի նախագահի ծրագրերը
Գերմանիայի պաշտպանության նախարար Բորիս Պիստորիուսը քննադատել է Եվրահանձնաժողովի նախագահ Ուրսուլա ֆոն դեր Լայենին՝ պատերազմից հետո Կիևի համար երկարաժամկետ անվտանգության երաշխիքների շրջանակում Ուկրաինայում բազմազգ ռազմական կոնտինգենտ տեղակայելու ծրագրերի մասին հրապարակայնորեն խոսելու համար։
Ըստ Պիստորիուսի՝ խաղաղության բանակցությունների մեկնարկից առաջ նման տարբերակների քննարկումը սկզբունքորեն սխալ է, գրում է Politico-ն։
«Եվրամիությունը որևէ պատասխանատվություն կամ լիազորություն չունի զորքերի տեղակայման հարցերում՝ որևէ մեկի կամ որևէ բանի համար։ Ես շատ զգույշ կլինեի նման նկատառումների վերաբերյալ ցանկացած հաստատման կամ մեկնաբանության հարցում»,- հավելել է նա։
