Ժամանակին մի ընդդիմադիր կար, որին այդ ժամանակվա իշխանությունները «դատարկ դհոլ» էին կարգել․ Արսեն Թորոսյան

Քաղաքացիական պայմանագիր վարչության անդամ, Աշխատանքի և սոցիալական հարցերի նախարար Արսեն Թորոսյանը գրում է.

«Ժամանակին մի ընդդիմադիր կար, որին այդ ժամանակվա իշխանությունները «դատարկ դհոլ» էին կարգել։ Հիմա գրեթե ամբողջ ընդդիմությունն է դարձել «դատարկ դհոլ», այդ թվում նախկինում ուրիշին նման կերպ «կարգածները»։

Կառավարությունը հրապարակել է ՀՀ-ԱՄՆ հուշագրերը, որինք ի զարմանս այդ բոլոր դատարկ դհոլների բխում են ՀՀ պետական շահերից, ինչպես նախկինում հրապարակված Խաղաղության համաձայնագիրը և ՀՀ-ԱՄՆ-Ադրբեջան եռակողմ արձանագրությունները։

Փաստն այն է, որ այդ դատարկ դհոլները այդպես էլ «լիքը» կամ բովանդակային չեն դառնա, իսկ կառավարությունը և մեր քաղաքական թիմը հետևողականորեն առաջ է տանելու ՀՀ պետական շահերը»,- գրում է Աշխատանքի և սոցիալական հարցերի նախարար Արսեն Թորոսյանը։