Սպիտակ տունը ևս 5 միլիարդ դոլարով կրճատելու է արտաքին օգնությունը
Սպիտակ տունը ևս 5 միլիարդ դոլարով կրճատելու է արտաքին օգնությունը: Այս մասին հայտնում է New York Post-ը:
Թրամփի վարչակազմը պատրաստվում է չեղարկել Կոնգրեսի կողմից արդեն հաստատված բազմամիլիարդ դոլարանոց արտաքին օգնության փաթեթը։
Այդ գումարից 3.2 միլիարդ դոլարը պետք է ուղարկվեր USAID-ին, մնացածը՝ Պետդեպարտամենտի միջոցներին։
Նախագահ Թրամփը ծախսերն անվանել է անիմաստ և առանձնացրել է օրինակներ՝ 24.6 միլիոն դոլար Հոնդուրասում կլիմայական ծրագրի համար, 2.7 միլիոն դոլար հարավաֆրիկյան հիմնադրամի համար, որը հրապարակել է ռասայական սադրիչ հոդվածներ, 3.9 միլիոն դոլար Արևմտյան Բալկաններում ԼԳԲՏ անձանց աջակցելու համար և 1.5 միլիոն դոլար ուկրաինացի կանանց նկարների գովազդի համար։
