Թուրքիայի հետ առանց նախապայմանների դիվանագիտական հարաբերություններ հաստատելու վերաբերյալ Հայաստանի պատրաստակամությանը Անկարայից պատասխանել են նախկին նախապայմանները թվարկելով։ Այն բանից հետո, երբ երեկ ՀՀ վարչապետի պաշտոնակատար Նիկոլ Փաշինյանը հնչեցրել է Հայաստանի պատրաստակամությունը, ադրբեջանական լրատվամիջոցներից մեկը դիմել է Թուրքիայի նախագահի աշխատակազմին՝ նրանց տեսակետը ստուգելու համար։ Թուրքիայի նախագահի աշխատակազմից ադրբեջանական Trend գործակալությանը պատասխանել են նույն բանը, ինչ տարիներ շարունակ․ թուրքական կողմը հարաբերություններ հաստատելու նախապայմաններ է առաջ քաշել, որոնք են Հայոց ցեղասպանության շուրջ պահանջներից հրաժարվելն ու Արցախյան հիմնախնդրում ադրբեջանանպաստ որոշումներին համաձայնելը (ադրբեջանական լրատվամիջոցը այլ տերմինաբանություն է օգտագործել)։