Պակիստանի և Հայաստանի միջև դիվանագիտական հարաբերություններ հաստատելու հարցն է քննարկվել․ Պակիստանի ԱԳ նախարար
Այսօր ՀՀ Արտաքին գործերի նախարար Արարատ Միրզոյանի հետ հեռախոսազրույց ենք ունեցել: Այս մասին իր X-ում գրել է Պակիստանի փոխվարչապետ և արտաքին գործերի նախարար Մուհամմադ Իսհակ Դարը:
«Այսօր ՀՀ ԱԳ նախարար Արարատ Միրզոյանի հետ հեռախոսազրույց ունեցանք։ Համաձայնության եկանք քննարկել Պակիստանի և Հայաստանի միջև դիվանագիտական հարաբերություններ հաստատելու հարցը» ,-գրել է Պակիստանի ԱԳ նախարարը:
Հավելենք՝ Պակիստանն այն երկրների ցանկում է, որոնք մինչ օրս չեն ճանաչել Հայաստանի Հանրապետության անկախությունը։
