Մոսկվայում ձերբակալել են թատրոններից մեկի՝ ազգությամբ ադրբեջանցի, նախկին տնօրենին
Իրավապահ մարմինների աշխատակիցները ձերբակալել են մայրաքաղաքի խոշորագույն թատրոններից մեկի նախկին տնօրենին, որը կասկածվում է բյուջետային միջոցները յուրացնելու մեջ, հայտնել է Ռուսաստանի ՆԳՆ պաշտոնական ներկայացուցիչ Իրինա Վոլկը, գրում է «ՏԱՍՍ»-ը
Նրա խոսքով՝ Մոսկվայի բյուջեից գողացված գումարի չափը գերազանցել է 20 միլիոն ռուբլին։
«Ռուսաստանի ՆԳՆ Մոսկվա քաղաքի գլխավոր վարչության տնտեսական անվտանգության և կոռուպցիայի դեմ պայքարի վարչության աշխատակիցները, Ռուսաստանի Ներքին գործերի նախարարության Մոսկվա քաղաքի և Մոսկվայի մարզի աշխատակիցների հետ համատեղ, ձերբակալել են մայրաքաղաքի մի բնակչի։ Խոշորագույն թատրոններից մեկի նախկին տնօրենը կասկածվում է խարդախության մեջ», - բացատրել է գործակալության ներկայացուցիչը։
Նրանց տվյալներով՝ մշակութային գործիչը գրանցվել է որպես անհատ ձեռնարկատեր և կեղծ հեղինակային պայմանագրեր է կնքել իր ղեկավարած թատրոնի հետ։
Հավելենք՝ Մոսկվայում երգիծական թատրոնի նախկին տնօրենը ազգությամբ ադրբեջանցի Մամեդ Ագաևն է:
