Իրանի դեմ պատժամիջոցները կվերականգնվեն. ԵՄ եռյակը որոշում է կայացրել
Ֆրանսիայի, Գերմանիայի, Մեծ Բրիտանիայի արտաքին գործերի նախարարները, ինչպես նաև ԵՄ դիվանագիտական ծառայությունը, ԱՄՆ պետքարտուղար Մարկո Ռուբիոյին տեղեկացրել են Իրանի դեմ պատժամիջոցների վերականգնման գործընթացը սկսելու իրենց մտադրության մասին: Այս մասին հայտնում է Axios պորտալը՝ հղում անելով աղբյուրներին:
Գործակալության փոխանցմամբ՝ եվրոպական երկրները ակնկալում են մեծացնել տնտեսական ճնշումը Թեհրանի վրա, ինչը հավանաբար կհանգեցնի Իրանի կողմից պատասխան միջոցառումների։
Հավելենք՝ Եվրոպական երյակը սկսել է Իրանի դեմ պատժամիջոցների վերականգնման գործընթացը, քանի որ Թեհրանի միջուկային ծրագրի շուրջ բանակցությունները ձախողվել են: Գործակալության տվյալներով՝ ԵՄ եռյակը նախատեսում է մոտ ապագայում գրավոր տեղեկացնել ՄԱԿ-ի Անվտանգության խորհրդին իր որոշման մասին: Իրանի ֆինանսական, բանկային, էներգետիկ և պաշտպանական ոլորտների դեմ պատժամիջոցները կվերականգնվեն դրանից 30 օր անց:
