ԵՄ-ն կքննարկի չեզոք երկրից խաղաղապահներ ուղարկելու հարցը Ուկրաինա
ԵՄ արտաքին գործերի և պաշտպանության նախարարները Կոպենհագենում կայանալիք ոչ պաշտոնական հանդիպման ժամանակ կքննարկեն ԵՄ-ի կամ ՆԱՏՕ-ի մաս չհանդիսացող չեզոք երկրից խաղաղապահ ուժեր Ուկրաինա ուղարկելու հնարավորությունը, հաղորդում է Politico հրատարակությունը՝ հղում անելով դիվանագետներին:
Հրատարակությունը նշում է, որ հանդիպման ժամանակ կուլիսներում կքննարկվի «Ուկրաինայի անվտանգության երաշխիքների» թեման։ Մասնավորապես, «կարող են հարցեր առաջանալ այն մասին, թե որ չեզոք երկիրը կարող է խաղաղապահներ ուղարկել ապառազմականացված գոտի ապագա պարեկությունների համար»։ Միևնույն ժամանակ, նախարարները որևէ գործնական որոշում չեն կայացնի, քանի որ հանդիպումը ոչ պաշտոնական կլինի։
Թերթի փոխանցմամբ՝ Եվրախորհրդարանի արտաքին հարաբերությունների հանձնաժողովի ղեկավար Դեյվիդ ՄաքԱլիստերը, ասել է, որ «կհորդորի նախարարներին միայն ուժեղացնել Ռուսաստանի վրա ճնշումը՝ չնայած հակամարտությունը կարգավորելու դիվանագիտական ջանքերին, և թույլ չտալ մեղմացնել պատժամիջոցները, այլ աշխատել նոր պատժամիջոցների ներդրման ուղղությամբ»։
Հավելենք՝ նույն նիստում Եվրոպական հանձնաժողովը նախարարների հետ կքննարկի Ռուսաստանի դեմ պատժամիջոցների 19-րդ փաթեթի նախագիծը։
