Սևանա լճում մոտորանավակ է շրջվել. փրկարարները քաղաքացիներին ափ են դուրս բերել
Այսօր՝ ժամը 15։51-ին, Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 1-ին հանրային լողափում հերթապահություն իրականացնող ջրափրկարարները նկատել են շրջված մոտորանավակ։ Այս մասին հայտնում է Ներքին գործերի նախարարությունը։
Նշվում է, որ ափից մոտ 200 մ հեռավորությունից ջրափրկարարներն ափ են դուրս բերել երկու քաղաքացու և մոտորանավակը։
