Զելենսկին՝ Ադրբեջանի հետ ունեցած հարաբերությունների մասին
Ուկրաինան և Ադրբեջանը միշտ աջակցել են միմյանց ինքնիշխանությանը և տարածքային ամբողջականությանը։ Այս մասին գրել է Ուկրաինայի նախագահ Վլադիմիր Զելենսկին:
«Ես բարձր եմ գնահատում Ադրբեջանի նախագահ Իլհամ Ալիևի շնորհավորանքները Ուկրաինայի անկախության օրվա կապակցությամբ և նրա հարգանքը Ուկրաինայի ու ուկրաինացիների նկատմամբ։
Հարգելի՛ նախագահ, Ուկրաինան և Ադրբեջանը միշտ աջակցել են միմյանց ինքնիշխանությանը և տարածքային ամբողջականությանը։ Մենք շատ շնորհակալ ենք բարեկամ Ադրբեջանին աջակցության համար։ Մենք անհամբեր սպասում ենք մեր ռազմավարական գործընկերության զարգացմանը՝ ի շահ մեր ժողովուրդների»,- գրել է Ուկրաինայի նախագահը։
