Ուկրաինան և Կանադան համաձայնագիր են ստորագրել
Ուկրաինան և Կանադան Կիևում ստորագրել են պաշտպանական արտադրանքի համատեղ արտադրության մասին համաձայնագիր, այս մասին հայտարարել է Ուկրաինայի պաշտպանության նախարար Դենիս Շմիգալը:
«Համաձայնագիրն ուղղված է երկկողմ պաշտպանական-արդյունաբերական համագործակցության խորացմանը, Ուկրաինայում և Կանադայում նոր արտադրական հզորությունների ընդլայնմանն ու ստեղծմանը, պաշտպանական արտադրանքի մատակարարման կայունության և շարունակականության բարձրացմանը», - գրել է Շմիգալը իր Telegram ալիքում։
Նրա խոսքով՝ համաձայնագիրը կհեշտացնի ուկրաինական ընկերությունների ստեղծումը Կանադայում և կամրապնդի տեխնոլոգիաների փոխանակումը։
