ԱՄՆ-ն պատրաստվում է խոշոր գումարներ ծախսել Ադրբեջանի հետ ծրագրի շրջանակներում
ԱՄՆ-ն «մեծ գումար» կծախսի Ադրբեջանի հետ ծրագրի շրջանակներում, այս մասին հայտնում է Պենտագոնը։
Մասնավորապես, 3.5 միլիարդ դոլար կհատկացվի գործընկեր երկրներում, այդ թվում՝ Ադրբեջանում, զանգվածային ոչնչացման զենքի հետ կապված ռիսկերի նվազեցման ծրագրերի համար։
Պայմանագիրը նախատեսում է ծառայությունների և ապրանքների լայն շրջանակի տրամադրում՝ գործընկեր երկրներին ուղղված քիմիական, կենսաբանական, ռադիոլոգիական և միջուկային սպառնալիքների կայուն նվազեցումն ապահովելու համար։
ԱՄՆ պաշտպանության նախարարության կողմից հրապարակված տվյալների համաձայն՝ Վաշինգտոնը համագործակցում է CTR ծրագրի շրջանակներում 35 երկրների հետ, այդ թվում՝ Ուկրաինայի, Մոլդովայի, Ադրբեջանի, Հնդկաստանի, Պակիստանի և մի շարք այլ երկրների հետ։
