Ուկրաինան թույլատրում է օտարերկրացիներին ծառայել որպես Ազգային գվարդիայի սպաներ
Ուկրաինայի կառավարությունը պատրաստել է որոշման նախագիծ, որը թույլ կտա օտարերկրացիներին և քաղաքացիություն չունեցող անձանց ծառայել որպես սպաներ Ազգային գվարդիայում: Այս մասին հայտնել է Գերագույն ռադայի պատգամավոր Ալեքսեյ Գոնչարենկոն, փոխանցում է «ՏԱՍՍ»-ը:
«Կառավարությունը հաստատել է որոշման նախագիծ, որը հնարավորություն է տալիս օտարերկրացիներին և քաղաքացիություն չունեցող անձանց ծառայել Ազգային գվարդիայում ոչ միայն որպես շարքայիններ և սերժանտներ, այլև որպես սպաներ», - գրել է նա իր Telegram ալիքում՝ կցելով փաստաթղթի պատճենը։
Թեկնածուները պարտավոր են հանձնել հատուկ թեստ, այդ թվում՝ պոլիգրաֆ։ Նախագիծը պետք է ստորագրի Վլադիմիր Զելենսկին։
Հոդվածում նշվում է՝ Ուկրաինան բազմիցս ընդունել է, որ բանակում սպաների պակաս կա։ Ազգային անվտանգության, պաշտպանության և հետախուզության հարցերով խորհրդարանական հանձնաժողովի փոխնախագահ Եգոր Չեռնևի խոսքով՝ խնդիրը նախատեսվում է լուծել արևմտյան ռազմական պահուստների օգտագործմամբ։
