Զելենսկին՝ Ուկրաինայի անվտանգության երաշխիքների մասին. նշված կետերը պետք է կատարվեն
Ուկրաինան կարծում է, որ Եվրոպայից Ուկրաինայի զինված ուժերի վերազինմանն ուղղված ֆինանսավորումը կարող է դառնալ անվտանգության երաշխիքների մաս։ Այս մասին հայտարարել է Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփի հետ հանդիպման ժամանակ։
«Խոսքը միայն պատերազմի և մեր ինքնապաշտպանության մասին չէ։
Սա նաև անվտանգության երաշխիքների մաս կլինի՝ մեր բանակի ամրապնդումը, վերազինումը։ Եվ սա կախված է նաև նրանից, թե որքան գումար է մեզ անհրաժեշտ, և որքանը մեզ կհատկացվի», - ընդգծել է Ուկրաինայի նախագահ Վլադիմիր Զելենսկին։
