Միքայել Սրբազանի գործով դատական նիստն ավարտվեց

Շիրակի թեմի առաջնորդ Միքայել Սրբազանի գործով դատական նիստն այսօր հետաձգվեց։ Հաջորդ դատական նիստերը նշանակվեցին աննախադեպ արագությամբ՝ օգոստոսի 18-ին, 19-ին, 21-ին, 25-ին ժամը 14։00–ին։

Դատարանը նաեւ հետաձգեց Միքայել Սրբազանի նկատմամբ քրեական վարույթը կասեցնելու միջնորդության քննությունը։

Հիշեցնենք՝  այսօր Շիրակի թեմի առաջնորդ Միքայել արքեպիսկոպոս Աջապահյանի գործով առաջին դատական նիստն էր ընթանում Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում։

Ավելի ուշ՝ Միքայել Աջապահյանի կալանքից ազատելու միջնորդությունը դատարանը մերժեց: Խափանման միջոց կալանքը դատավոր Արմինե Մելիքսեթյանն անփոփոխ թողեց, կալանքի ժամկետը երկարաձգեց ևս 10 օրով: