Հնդկաստանը կստեղծի սպառազինության համակարգ, որը կարող է հետ մղել ցանկացած հարձակում. վարչապետ

Vika B. 1 րոպե 181 դիտում

15.08.2025 08:45

Հնդկաստանը սկսում է սպառազինության համակարգի ստեղծման ծրագիր, որը կարող է հետ մղել հարձակման ցանկացած փորձ: Այս մասին հայտարարել է Հնդկաստանի վարչապետ Նարենդրա Մոդին՝ ելույթ ունենալով Հնդկաստանի Անկախության օրվա կապակցությամբ։

«Հնդկաստանը գործարկում է «Սուդարշան Չակրա» առաքելությունը սպառազինության հզոր համակարգ ստեղծելու նպատակով, որը կարող է կանխել մեզ վրա հարձակվելու թշնամիների ցանկացած փորձ»,-ասել է նա:

Վարչապետի խոսքով` Հնդկաստանը երկիրը պաշտպանելու համար կկառուցի նոր պաշտանական համակարգ։

Ինչպես նշել է Մոդին, դա կլինի հակաօդային պաշտպանության համակարգ, որը կոչված կլինի հետ մղել հարձակումները սահմաններից: Այն նախատեսվում է գործարկել 2035 թվականին։