Հայաստանի մի դիրքորոշումը մեր համար շատ կարևոր է. Կապանում Իրանի պատվավոր հյուպատոս

Վարչապետ Փաշինյանը հեռախոսազրույց է ունեցել նախագահ Փեզեշքիանի հետ։ Այն, ինչ որ մեզ ասել են, սահմանը և Իրանի այդ կարմիր գիծը պահպանվելու է։ Իրանի և Հայաստանի սահմանը քանի հազար տարվա անցյալ ունի և մենք դա համարում ենք ընկերության և համերաշխության սահման: Մենք այս սահմանում երբևէ որևէ խնդիր չենք ունեցել, երկու երկրները միշտ ջերմ հարաբերության մեջ են եղել: Եվ, կարծում եմ՝ պարզ ապացույցը այն է, որ ես այստեղ ձեր կողքին եմ։ Այս մասին լրագրողների հետ զրույցի ժամանակ ասել է Կապանում Իրանի պատվավոր հյուպատոս Մորթեզա Աբեդին Վարամին:

Հյուպատոսը նշել է, որ, տարածաշրջանի հարևան երկրներին հավանաբար օգուտ չի լինի, որ ինչ-որ դրսից, ինչ-որ մեկը միջամտի այստեղ, բայց Հայաստանի մի դիրքորոշումը իրենց համար շատ կարևոր է:

«Ես կասեի, որ Հայաստանի սահմանը Հայաստանի տրամադրության տակ է, իրանական կողմն էլ, բնականաբար, Իրանի հսկողության տակ է: ՀՀ-ի կողմից մեզ փոխանցվել է, որ ոչ մի ռազմական կցորդներ կամ այլազգի ներկայացուցիչներ սահմանին չեն լինելու»,-ասել է Իրանի պատվավոր հյուպատոսը: