Ուշակովը մանրամասներ է ներկայացրել Թրամփ-Պուտին հանդիպումից
ՌԴ նախագահի օգնական Յուրի Ուշակովը մանրամասներ է հայտնել Ռուսաստանի և ԱՄՆ նախագահների առաջիկա հանդիպման մասին:
Պուտինի և Թրամփի հանդիպման ծրագիրը համաձայնեցված է։ ՌԴ-ի և ԱՄՆ-ի բանակցությունները կսկսվեն օգոստաոսի 15-ին Երևանի ժամանակով 23.30, թարգմանիչների մասնակցությամբ։
Պուտինի և Թրամփի գագաթնաժողովի կենտրոնական թեման կլինի ուկրաինական ճգնաժամի կարգավորումը, բայց կանդրադառնան նաև այլ թեմաների, ասել է նա լրագրողներին:
Հանդիպումը կսկսվի ԱՄՆ ռազմաօդային ուժերի Էլմենդորֆ-Ռիչարդսոն բազայում: Ըստ Ուշակովի՝ Պուտինի և Թրամփի հանդիպումից հետո ՌԴ-ի և ԱՄՆ-ի բանակցությունները կշարունակվեն պատվիրակությունների կազմով:
ՌԴ պատվիրակության կազմում են ընդգրկվել Լավրովը, Ուշակովը, Բելոուսովը, Սիլուանովը և Դմիտրիևը։
