Թրամփը չի ցանկանում նոր պատժամիջոցներ կիրառել Ռուսաստանի դեմ. Սպիտակ տուն
ԱՄՆ նախագահ Դոնալդ Թրամփը չի ցանկանում նոր պատժամիջոցներ կիրառել Ռուսաստանի դեմ, նրա առաջնահերթությունը դիվանագիտությունն է, հայտարարել է Սպիտակ տունը։
Նշենք՝ Թրամփն ու Պուտինը կհանդիպեն օգոստոսի 15-ին Ալյասկա նահանգի ամենամեծ քաղաքում՝ Անքորիջում։ Սպիտակ տան ղեկավարը նշել է, որ նպատակը Ուկրաինայում հակամարտության դադարեցումն է։ Նրա խոսքով՝ սա կլինի «փորձարկային» հանդիպում՝ պարզելու համար, թե հնարավո՞ր է խաղաղության համաձայնագիր կնքել։
ԱՄՆ ֆինանսների նախարար Սքոթ Բեսենթի խոսքով՝ Ռուսաստանի դեմ պատժամիջոցները կարող են խստացվել, եթե Ալյասկայում հանդիպումը անհաջող լինի։
