Մեղադրանքի հետ համաձայն չեմ. իրականության հետ աղերս չունի. Հովիկ Աբրահամյան
Այսօր ՀՀ նախկին վարչապետ Հովիկ Աբրահամյանի գործով առաջին դատական նիստն է:
«Մեղադրանքի հետ համաձայն չեմ: Այն իրականության հետ աղերս չունի։ 7 տարի առաջ սկսվել է այս մեղադրանքի առաջադրումը և որևէ լուրջ փաստ չկա։ Լավ եղեք, մտնենք նիստին, տեսնենք՝ ինչ են ասում»,- լրագրողների հետ զրույցում ասել է Աբրահամյանը:
Հիշեցնենք՝ Հովիկ Աբրահամյանը մեղադրվում է մի քանի դրվագով՝ փողերի լվացման, պաշտոնեական լիազորությունները չարաշահելու և ձեռնարկատիրությանն ապօրինի մասնակցելու համար:
Դատարանը որոշել էր մերժել Հովիկ Աբրահամյանին կալանավորելու միջնորդությունը և նրա նկատմամբ որպես խափանման միջոց էր կիրառվել տնային կալանքը։
