Իրանը համաձայնել է ԱՄՆ-ի հետ վերսկսել միջուկային բանակցությունները
Reuters-ի փոխանցմամբ՝ Իրանի գերագույն առաջնորդ Ալի Խամենեին և հոգևոր իշխանությունը համաձայնության են եկել ԱՄՆ-ի հետ միջուկային բանակցությունները վերսկսելու հարցում՝ դրանք համարելով երկրի գոյատևման համար կարևոր քայլ։
Հիշեցնենք՝ հունիսին Իրանը զրկվեց իր միջուկային օբյեկտների անվտանգության երաշխիքներից՝ Իսրայելի կողմից օդային հարվածների ու ԱՄՆ-ի կողմից ստորգետնյա հենակետերի ռմբակոծության արդյունքում, ինչը տեղի ունեցավ ԱՄՆ-Իրան բանակցությունների վեցերորդ փուլից ընդամենը մեկ օր առաջ։
Վերջնական որոշումն այս հարցում կայացնում է գերագույն առաջնորդը, ով, ըստ աղբյուրների, ընդունել է, որ միջուկային բանակցությունները կենսական նշանակություն ունեն երկրի ապագայի համար։
