Եթե չստանամ այն պատասխանները, որոնք ուզում եմ, Պուտինի հետ երկրորդ հանդիպում չի լինի. Թրամփ
ԱՄՆ նախագահ Դոնալդ Թրամփը լրագրողների հետ մամուլի ասուլիսի ժամանակ հայտնել է , որ եթե Վլադիմիր Պուտինի հետ Ալյասկայում օգոստոսի 5-ին կայանալիք հանդիպումը լավ անցնի, կցանկանա գրեթե անմիջապես երկրորդ հանդիպումն ունենալ Պուտինի և Զելենսկու հետ:
«Եթե առաջին հանդիպումը լավ անցնի, կցանկանայի գրեթե անմիջապես երկրորդ հանդիպումն ունենալ Պուտինի, Զելենսկու և իմ միջև, եթե նրանք ցանկանում են, որ ես այնտեղ լինեմ»,- ասել է Թրամփը։
Թրամփը ընդգծել է, որ եթե չստանա այն պատասխանները, որոնք ուզում է, Պուտինի հետ երկրորդ հանդիպում չի լինի։
Վերջինս նաև հավելել է որ եթե Ռուսաստանն ուրբաթ օրը չհամաձայնի հրադադար հաստատել, ԱՄՆ-ից շատ լուրջ հետևանքներ թող սպասի:
