Չինաստանի նախագահը Թրամփին հրավիրել է հանդիպման

Չինաստանի նախագահ Սի Ցզինպինը հրավիրել է ԱՄՆ նախագահ Դոնալդ Թրամփին հանդիպման։ Այս մասին հայտնել է ԱՄՆ ֆինանսների նախարար Սքոթ Բեսենթը Fox Business-ին տված հարցազրույցում։

«Նախագահը դեռևս համաձայնություն չի տվել», - ասել է ֆինանսների նախարարության ղեկավարը։

Բեսենթի խոսքով՝ հնարավոր հանդիպման ամսաթիվը նույնպես դեռևս որոշված չէ։

Հուլիսի 18-ին The Times-ը հայտնել է, որ Ռուսաստանի նախագահ Վլադիմիր Պուտինը, Սի Ցզինպինը և ամերիկացի առաջնորդը կարող են հանդիպել Չինաստանում սեպտեմբերի սկզբին։

Օգոստոսի սկզբին Թրամփը հայտարարել էր, որ պատրաստ է հանդիպել Չինաստանի նախագահի հետ մինչև տարեվերջ, բայց այն պայմանով, որ Միացյալ Նահանգների և Չինաստանի միջև առևտրային գործարք կնքվի։