Թրամփի կողմից մաքսատուրքերը չեն ազդել ռուսական նավթի արտահանման վրա
Սակագնային սպառնալիքները չեն ազդել Հնդկաստան նավթի մատակարարումների վրա: Այս մասին հայտնում են Bloomberg-ից:
ԱՄՆ-ի և Ռուսաստանի նախագահների հանդիպման նախօրեին լրացուցիչ սակագնային սպառնալիքները դեռևս էական ազդեցություն չեն ունեցել նավթի հոսքերի վրա։ Չնայած Թրամփի կողմից սահմանված 25% սակագնի պատճառով հնդկական նավթավերամշակման գործարաններն արդեն սկսել են նավթ գնել այլընտրանքային մատակարարներից, ռուսական արտահանման վրա իրական ազդեցությունը պարզ կդառնա միայն մի քանի շաբաթից։
Լրացուցիչ սակագները ուժի մեջ կմտնեն օգոստոսի 27-ին, բայց կարող են չեղարկվել։ Հրատարակությունը նշում է, որ առայժմ շուկան չի սպասում ռուսական նավթի արտահանման լուրջ խափանումների։ Bloomberg-ը հաղորդում է, որ ռուսական Urals նավթը հնդիկ գնորդներին առաջարկվում է զգալի զեղչով։
Նշենք` օգոստոսի 6-ին Վաշինգտոնը հայտարարեց Նյու Դելիի կողմից ռուսական նավթի գնումներին ի պատասխան Միացյալ Նահանգներ մատակարարվող հնդկական ապրանքների վրա լրացուցիչ 25 տոկոս սակագնի սահմանման մասին, որը ընդհանուր սակագինը կբարձրացնի մինչև 50%։ Հնդկաստանի իշխանությունները այս միջոցառումները անվանել են «անարդար և չհիմնավորված»՝ խոստանալով ձեռնարկել պատասխան քայլեր ազգային շահերը պաշտպանելու համար։
