Զելենսկին և Սաուդյան Արաբիայի արքայազնը քննարկել են պատերազմը դադարեցնելու քայլերը
Զելենսկին և Սաուդյան Արաբիայի արքայազնը քննարկել են պատերազմը դադարեցնելու քայլերը:
Ուկրաինայի նախագահ Վլադիմիր Զելենսկին Ջիդդայում հանդիպում է ունեցել Սաուդյան Արաբիայի թագաժառանգ Մուհամմեդ բին Սալման Ալ Սաուդի հետ։ Այս մասին հաղորդագրություն է տարածել Ուկրաինայի նախագահի պաշտոնական Telegram ալիքը:
Հայտարարության համաձայն՝ կողմերը քննարկել են «քայլերն ու պայմանները, որոնք կարող են վերջ դնել պատերազմին մեր երկրում և խաղաղությունը դարձնել հուսալի ու երկարատև։
«Մենք Մուհամմեդ բին Սալման Ալ Սաուդի հետ մանրամասն քննարկել ենք այն քայլերն ու պայմանները, որոնք կարող են վերջ դնել պատերազմին և խաղաղությունը դարձնել հուսալի ու երկարատև։ Ես հատկապես նշեցի բանտարկյալների ազատ արձակման և երեխաների վերադարձի հարցը, որը կարող է դառնալ դիվանագիտական ջանքերի նկատմամբ վստահություն հաստատելու հիմնական միջոցներից մեկը։ Զրույցի զգալի մասը նվիրված էր անվտանգության երաշխիքների ձևաչափերին», - ասվում է հաղորդագրության մեջ։
Նա նաև հավելել է, որ ուկրաինական թիմը մնում է Ջիդդայում՝ ամերիկյան թիմի հետ աշխատելու համար։
«Մենք հույս ունենք գործնական արդյունքի։ Հանդիպման ժամանակ Ուկրաինայի դիրքորոշումը կլինի բացարձակապես կառուցողական», - նշել է Ուկրաինայի նախագահը։
Բացի այդ, ուկրաինական պետության ղեկավարը գրել է, որ Ուկրաինայի համար կարևոր է Սաուդյան Արաբիայի արքայազնից լսել պետության ապագայի նկատմամբ վստահության խոսքեր։ Ուկրաինան նույնպես պատրաստ է համագործակցության:
