Թրամփը 90 օրով հետաձգել է Չինաստանի դեմ ներմուծման նոր՝ բարձր մաքսատուրքերի սահմանումը
ԱՄՆ նախագահ Դոնալդ Թրամփը ստորագրել է գործադիր հրամանագիր, որը կանխելու է չինական ապրանքների վրա ԱՄՆ բարձր սակագների ուժի մեջ մտնելը ևս 90 օրով: Այս մասին հայտնել է Սպիտակ տան պաշտոնյան։
Հրամանը ստորագրվել է կեսգիշերից ընդամենը մի քանի ժամ առաջ, երբ պետք է լրանար Թրամփի սակագների դադարեցման ժամկետը։
Հետաձգումը սպասելի արդյունք էր ԱՄՆ առևտրային բանակցողների և նրանց չինացի գործընկերների միջև անցյալ ամսվա վերջին Ստոկհոլմում տեղի ունեցած բանակցությունների վերջին փուլից։
