Մայրաքաղաքը 2-րդ օրն է խեղդվում է թունավոր ծխի մեջ․ Գեղամ Մանուկյան
ԱԺ «Հայաստան» խմբակցության պատգամավոր Գեղամ Մանուկյանը ֆեյսբուքյան իր էջում գրառում է կատարել անդրադառանալով Երևանի քաղաքապետ Տիգրան Ավինյանի գրառմանը՝ Վաշինգտոնում կայացած եռակողմ հանդիպման վերաբերյալ.
«Քիչ առաջ Տիգրան Ավինյանն էլ է sms ստացել ու կեցցեների շարքով գովերգել վաշինգտոնյան ստորագրությունները: Նույն այդ ժամանակ իր մայրաքաղաքը 2-րդ օրն է խեղդվում է թունավոր ծխի մեջ։ Նոր ընկերներս ուղարկեցին այս պահին շարունակվող Նուբարաշենի աղբավայրում հրդեհի լուսանկարը... էս եք դուք։ Երկու օր մի հրդեհ չեք կարողանում հանգցնել»,- գրել է Մանուկյանը։
Հիշեցնենք՝ ավելի վաղ Տիգրան Ավինյանը գրել էր․ «Հայաստանը արժանի է խաղաղության։ Մեր քաղաքացիներն արժանի են խաղաղության։ Մեր սերունդներին մենք պիտի ժառանգենք ոչ թե պատերազմ, այլ խաղաղություն, զարգացում, բարեկեցություն։ Եվ մենք անելու ենք դա․․․»։
