Իրանի ԱԳՆ–ն՝ խաղաղության համաձայնագրի և արտաքին միջամտության վերաբերյալ իր մտահոգությունների մասին

Իրանի Արտաքին գործերի նախարարությունն ողջունում է Հարավային Կովկասում խաղաղության համաձայնագիրը և մտահոգություն հայտնում արտաքին միջամտության վերաբերյալ:

«Իրանի Իսլամական Հանրապետության արտաքին գործերի նախարարությունն ուշադրությամբ հետևում է Հարավային Կովկասի տարածաշրջանում տեղի ունեցող զարգացումներին և ողջունում է Ադրբեջանի և Հայաստանի միջև խաղաղության համաձայնագրի ստորագրումը՝ որպես կայունության կարևոր քայլ: Միևնույն ժամանակ, Իրանը մտահոգություն է հայտնում տարածաշրջանի անվտանգությանը սպառնացող ցանկացած արտաքին միջամտության հնարավոր բացասական հետևանքների վերաբերյալ:

Անկասկած, Կովկասի տարածաշրջանում խաղաղությունն ու կայունությունը ձեռնտու են այդ տարածաշրջանի բոլոր երկրներին: Միևնույն ժամանակ, Իրանը մտահոգություն է հայտնում ցանկացած ձևի, հատկապես ընդհանուր սահմանների մոտ ցանկացած արտաքին միջամտության հնարավոր բացասական հետևանքների վերաբերյալ, ինչը կարող է խաթարել տարածաշրջանի անվտանգությունն ու կայունությունը:

Իրանի Իսլամական Հանրապետությունը, ընդգծելով իր ազգային իրավունքների և շահերի պաշտպանության համար բոլոր քաղաքական, իրավական և տնտեսական միջոցների ձեռնարկման անհրաժեշտությունը, Համոզված է, որ տրանսպորտային միջանցքների ստեղծումը և կոմունիկացիոն ցանցերում շրջափակումների վերացումը կնպաստեն տարածաշրջանի ժողովուրդների կայունությանը, անվտանգությանը և տնտեսական զարգացմանը միայն այն դեպքում, եթե դա տեղի ունենա փոխադարձ շահերի, տարածաշրջանի երկրների ազգային ինքնիշխանության և տարածքային ամբողջականության հարգանքի հիման վրա և առանց արտաքին միջամտության:

Իրանի Իսլամական Հանրապետությունը պատրաստ է շարունակել կառուցողական համագործակցությունը երկու երկրների՝ Ադրբեջանի և Հայաստանի հետ փոխադարձ շահերի հիման վրա՝ երկկողմ և տարածաշրջանային համագործակցության միջոցով տարածաշրջանի խաղաղության, կայունության և տնտեսական զարգացման պահպանման համար, ներառյալ «3+3» մեխանիզմը»,- ասված է Իրանի ԱԳՆ-ն կողմից տարածած հայտարարության մեջ: