Տարեվերջին Հնդկաստանը սպասում է Պուտինի այցին
Հնդկաստանի վարչապետի խորհրդական Աջիտ Դովալը նշել է, որ Ռուսաստանի նախագահի հետ հանդիպումը կարող է նոր ուղղություններ սահմանել երկու երկրների միջև հարաբերությունների զարգացման համար: Ավելի վաղ Պուտինը ընդունել էր Մոդիի հրավերը՝ այցելելու Հնդկաստան։
Հնդկաստանը սպասում է Ռուսաստանի նախագահ Վլադիմիր Պուտինի այցին տարեվերջին, ասել է վարչապետի ազգային անվտանգության հարցերով խորհրդական Աջիտ Դովալը Ռուսաստանի Անվտանգության խորհրդի քարտուղար Սերգեյ Շոյգուի հետ հանդիպման ժամանակ։
Նա նշել է, որ Հնդկաստանն ու Ռուսաստանը հաստատել են «շատ լավ հարաբերություններ», ինչը Նյու Դելին մեծապես գնահատում է։
Շոյգուն ընդգծել է Պուտինի և Հնդկաստանի վարչապետ Նարենդրա Մոդիի միջև շփումների կարևորությունը: «Կարևոր է որոշել մեր առաջնորդների միջև հաջորդ լիարժեք բանակցությունների ժամկետները», - հավելել է նա։
Վերջին անգամ Պուտինը և Մոդին անձամբ հանդիպել են 2024 թվականի ամռանը՝ BRICS գագաթնաժողովում։ Այդ ժամանակ Ռուսաստանի և Հնդկաստանի առաջնորդները ստորագրել են համատեղ հայտարարություն, որը ներառում էր 81 կետ։ Նրանք բարձր են գնահատել համագործակցության մակարդակն ու կայունությունը և սահմանել նոր նպատակ՝ մինչև 2030 թվականը փոխադարձ առևտրաշրջանառությունը հասցնել 100 միլիարդ դոլարի։ Մոդին նաև Պուտինին հրավիրել է պատասխան այց կատարել 2025 թվականին։
