Հայաստանում օդի ջերմաստիճանն օգոստոսի 9-ից աստիճանաբար կնվազի 2-4 աստիճանով
Այսօր Հայաստանի առանձին շրջաններում սպասվում է կարճատև անձրև և ամպրոպ:
Ըստ Հիդրոօդերևութաբանության և մոնիտորինգի կենտրոնի ամպրոպի ժամանակ սպասվում է քամու ուժգնացում` 17-20մ/վ արագությամբ։ Օգոստոսի 7-11-ը երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։
«Օդի ջերմաստիճանն օգոստոսի 9-11-ը աստիճանաբար կնվազի 2-4 աստիճանով»,– ասված է հաղորդագրությունում:
Երևանում այսօր անձրև չի գա։ Մայրաքաղաքում ցերեկային ժամերին օդի ջերմաստիճանը կտատանվի +38-40, իսկ գիշերը` +24-26 աստիճանի սահմաններում։
