Ուժգին երկրաշարժ՝ Ռուսաստանում

Կամչատկայի ափերի մոտ Մոսկվայի ժամանակով 14:57-ին գրանցվել են 6.2 մագնիտուդով և 3 բալ ինտենսիվությամբ ցնցումներ: Այս մասին հայտնել է Ռուսաստանի գիտությունների ակադեմիայի (ՌԳԱ) միասնական երկրաֆիզիկական ծառայության Կամչատկայի մասնաճյուղը, փոխանցում է «ՏԱՍՍ»-ը:

Գործակալության տվյալներով՝ նոր հետցնցման օջախը գրանցվել է Պետրոպավլովսկ-Կամչատկայից 212 կմ հեռավորության վրա՝ Խաղաղ օվկիանոսում՝ մոտ 24 կմ խորության վրա և դարձել է ամենանկատելիներից մեկը հուլիսի 30-ի երկրաշարժից հետո։

Հիշեցնենք՝ ավելի վաղ հայտնել էինք, որ Կամչատկայում ուժեղ երկրաշարժից հետո տեղի է ունեցել հզոր հետցնցում։