Կամչատկայում հզոր երկրաշարժից հետո հայտարարվել է բարձր մակարդակի տագնապ
Կամչատկայի երկրամասի իշխանություններն երկրաշարժից հետո տարածաշրջանում մտցրել են բարձր տագնապի ռեժիմ: Սա անհրաժեշտ է հետազոտություններ անցկացնելու համար, հաղորդում է տեղական ինքնակառավարման մարմինը, գրում է «ՏԱՍՍ»-ը։
«Տարածաշրջանային մակարդակով կներդրվի բարձր տագնապի ռեժիմ։ Նպատակն է վերականգնել բոլոր վնասված համակարգերն, անցկացնել լրացուցիչ հետազոտություններ, ինչպես նաև ներգրավվել հավելյալ ուժեր և ռեսուրսներ։ Արտակարգ ծառայություններն այժմ պետք է գործեն բարձր տագնապի ռեժիմով», - նշվում է Կամչատկայի երկրամասի նահանգապետ Վլադիմիր Սոլոդովի ուղերձում։
Հավելենք՝ Կամչատկայի երկրամասի իշխանությունները ժամանակավոր բնակության կենտրոններ են ստեղծել այն բնակիչների համար, ովքեր վախենում են մնալ իրենց տներում երկրաշարժից հետո:
Հիշեցնենք՝ Կամչատկայի ափերի մոտ մեկ ժամվա ընթացքում գրանցվել է հզոր երկրաշարժ, ուժգնությունը կազմել է 8.7 մագնիտուդ։
