Պեսկովը՝ «Աէրոֆլոտ»-ի վրա իրականացրած հաքերային հարձակումների մասին
Հաքերային խմբերի կողմից «Աէրոֆլոտի» ենթակառուցվածքների վրա ենթադրյալ հարձակումների մասին հաղորդագրությունները բավականին մտահոգիչ են, հայտարարել է Ռուսաստանի նախագահի մամուլի քարտուղար Դմիտրի Պեսկովը, հայտնում է «Ռիա Նովոստի»-ն։
«Այս տեղեկատվությունը, որը մենք կարդում ենք հանրային տիրույթում, բավականին մտահոգիչ է», - լրագրողներին ասել է Պեսկովը։
Հավելենք՝ «Աէրոֆլոտը» նախկինում զգուշացրել էր, որ ավիաընկերության տեղեկատվական համակարգերում խափանում է տեղի ունեցել, և հնարավոր են ծառայությունների ընդհատումներ։ Խափանման պատճառով ավիաընկերությունը չեղարկել է 42 չվերթ։ Դատախազությունը վերահսկողության տակ է վերցրել «Շերեմետևո» օդանավակայանում իրավիճակը ։
