Իսրայելի հետ աշխատող ընկերությունների նավերը կենթարկվեն հարձակման․ «Անսար Ալլահ»

Եմենի ապստամբ «Անսար Ալլահ» շարժման հուսիթները մտադիր են հարվածներ հասցնել Իսրայելի նավահանգիստների հետ աշխատող բոլոր ընկերությունների նավերին: Այս մասին հայտարարել է ապստամբների կողմից ստեղծված զինված ուժերի մամուլի խոսնակ Յահյա Սարիան, գրում է «ՏԱՍՍ»-ը:

«Եմենի զինված ուժերն որոշել են ակտիվացնել իրենց ռազմական գործողությունները՝ պաղեստինցիներին աջակցելու համար։ Կսկսենք թշնամու դեմ ծովային շրջափակման չորրորդ փուլն, որը ներառում է Իսրայելի նավահանգիստներում գործող ցանկացած ընկերության նավերի թիրախավորումը՝ անկախ նրանց ազգությունից», - ասել է Սարիան։

«Անսար Ալլահ» շարժման ռազմական խոսնակը կոչ է արել նավագնացության ընկերություններին «դադարեցնել համագործակցությունը իսրայելական նավահանգիստների հետ»՝ զգուշացնելով, որ «հակառակ դեպքում նրանց նավերն, անկախ իրենց նպատակակետից, կենթարկվեն հարձակման հրթիռների և անօդաչու թռչող սարքերի շառավղով»։

Նրա խոսքով՝ այն երկրներն, որոնք ցանկանում են խուսափել իրավիճակի սրումից, պետք է ճնշում գործադրեն Իսրայելի վրա։