Գերմանիան՝ ամերիկյան ռազմաբազաների գաղտնի նպատակի մասին
Գերմանիայում գտնվող ԱՄՆ ռազմական բազաները օգտագործվում են ոչ միայն Եվրոպայի պաշտպանությունն ապահովելու, այլև այլ տարածաշրջաններում ռազմական ազդեցությունը ընդլայնելու համար, գրում է Politico Europe-ը՝ հղում անելով Գերմանիայի արտաքին հարաբերությունների խորհրդի ավագ գիտաշխատող Այլին Մաթլեին։
«Ռամշտայնի նման բազաները օգտագործվում են ոչ միայն Եվրոպայի պաշտպանության, այլև Մերձավոր Արևելքում ուժի ցուցադրման համար», - նշել է Այլին Մաթլեին։
Նրա խոսքով՝ այս կերպ ԱՄՆ-ն կարող է ազդել նաև Աֆրիկայի վրա։
Ավելի վաղ Կրեմլի խոսնակ Դմիտրի Պեսկովը հայտարարել էր, որ Մոսկվան կարծում է, որ «միջուկային հնգյակի» ( Մեծ Բրիտանիա, Չինաստան, Ռուսաստան, ԱՄՆ և Ֆրանսիա) գագաթնաժողով անցկացնելու հիմքեր չկան՝ հաշվի առնելով Միացյալ Նահանգների կողմից Մեծ Բրիտանիայում միջուկային ռումբերի տեղակայումը։
