Իսրայելական բանակը հայտնել է «Հեզբոլլահ»-ի բարձրաստիճան հրամանատարի սպանության մասին
Իսրայելի պաշտպանության ուժերը (ԻՊՈւ) հայտարարել են, որ Լիբանանի հարավում սպանել են լիբանանյան «Հեզբոլլահ» շարժման բարձրաստիճան հրամանատարի, այս մասին հայտնում է «Ռիա Նովոստի»-ն։
«Իսրայելի պաշտպանության բանակը հարվածել և սպանել է ահաբեկիչ Ալի Աբդ ալ-Քադեր Իսմայիլին, ով Հեզբոլլահ կազմակերպության Բինտ Ջբեյլի տարածքում գտնվող շտաբի հրամանատարն էր», - ասվում է բանակի մամուլի ծառայության հրապարակված հայտարարության մեջ։
Ըստ Իսրայելի պաշտպանության բանակի՝ սպանված հրամանատարը ներգրավված էր Բինտ Ջբեյլում «Հեզբոլլահ»-ը վերազինելու, ինչպես նաև նոր հարձակում սկսելու գործողությունների մեջ:
