Ծաղիկ արտադրող ևս 5 ընկերության արտահանման թույլտվություն է տրվել. ՍԱՏՄ

Սննդամթերքի անվտանգության տեսչական մարմնի և Ռուսաստանի Դաշնության անասնաբուժական և բուսասանիտարական վերահսկողության դաշնային ծառայության (Ռոսսելխոզնադզոր), կողմից հայկական ծաղկի ջերմոցային տնտեսություններում անցկացված համատեղ առցանց տեսահսկողական միջոցառումների արդյունքում ևս 5 կազմակերպության (մոտ 18 հեկտար) ծաղիկներ կարող են արտահանվել Ռուսաստանի Դաշնություն։

ՍԱՏՄ-ից հայտնում են, որ ընդհանուր առմամբ արդեն 14 ընկերության ծաղիկների արտահանում է արտոնված։

Հավելենք՝ Ռուսաստանն արգելել էր Հայաստանից ծաղիկների արտահանումն իրենց երկիր, քանի որ ռուսական կողմը պնդում էր՝ Հայաստանից վարակված ծաղիկներ են մտնում իրենց շուկա։ Բացի այդ, ըստ «Ռոսսելխոզնադզոր»-ի, հայ արտահանողները համագործակցում են Ռուսաստանում գրանցված ֆեյք ընկերությունների հետ, ինչի հետևանքով ծաղիկներն իրացվում են առանց հարկային վճարումների։