Թեհրանն Եվրոպային հայտնել է իր դիրքորոշումն, այն փոփոխման ենթակա չէ. Իրանի ԱԳՆ
Թեհրանը և ԵՄ-ի եռյակը (Մեծ Բրիտանիա, Գերմանիա և Ֆրանսիա) Ստամբուլում բանակցություններ կանցկացնեն Իրանի միջուկային հարցի շուրջ՝ փոխարտգործնախարարների մակարդակով։ Այս հանդիպումը կկայանա առաջին անգամ հունիսին Իրանի և Իսրայելի միջև բռնկված 12-օրյա հակամարտությունից հետո, ինչպես նաև Թեհրանի և Վաշինգտոնի միջև բանակցությունների հնարավոր վերսկսման ֆոնին, հաղորդում է «Թասնիմ» լրատվական գործակալությունը:
«Թեհրանն եվրոպական երեք երկրների հետ առաջիկա հանդիպումը համարում է «կարևոր», սակայն պահանջում է, որ նրանք չհամակարգեն իրենց դիրքորոշումը Միացյալ Նահանգների հետ», - հայտարարել է Իրանի արտաքին գործերի նախարարի միջազգային հարցերով տեղակալ Քազեմ Ղարիբ Աբադին։
Միաժամանակ, ԵՄ3 երկրներն, որոնք ներկայումս պաշտոնապես գործող միջուկային համաձայնագրի (կամ Համատեղ համապարփակ գործողությունների ծրագրի) անդամներ են, սպառնում են Իրանին վերականգնել միջազգային պատժամիջոցները մինչև ամռան վերջ, եթե Թեհրանի հետ նոր միջուկային համաձայնագիր չկնքվի։
