Ադրբեջանի և Թուրքիայի արտգործնախարարները՝ Հայաստանի հետ ընթացող բանակցությունների մասին
Ադրբեջանի արտաքին գործերի նախարար Ջեյհուն Բայրամովի և Թուրքիայի Հանրապետության արտաքին գործերի նախարար Հաքան Ֆիդանի միջև հեռախոսազրույց է տեղի ունեցել: Այս մասին նշվում է Ադրբեջանի արտաքին գործերի նախարարության տարածած հաղորդագրությունում:
«Ֆիդանը և Բայրամովը քննարկել են Ադրբեջանի և Հայաստանի միջև ընթացող խաղաղության բանակցությունները», - ասվում է հայտարարության մեջ:
Հեռախոսազրույցի ընթացքում խոսել են՝ Ադրբեջան-Թուրքիա դաշնակցային հարաբերություններից, տարածաշրջանային և միջազգային կազմակերպություններում համագործակցությունից և Ադրբեջան-Հայաստան հարաբերությունների կարգավորման գործընթացից բխող հարցերից: Բացի այդ, քննարկվել են տարածաշրջանային և միջազգային մակարդակներում դիտարկվող անվտանգության խնդիրները:
