Ռուսաստանում նոր փոփոխություններ զինվորական ծառայության հետ կապված

Ռուսաստանում նոր զորակոչի մոդելը կկարգավորի զինկոմիսարիատների աշխատանքը և նրանց կազատի  ծանրաբեռնվածությունից: Միևնույն ժամանակ, զորակոչիկների թիվը բանակում չի ավելանա, RBC-ին ասել է Պետդումայի պաշտպանության հանձնաժողովի ղեկավար Անդրեյ Կարտապոլովը:

Նրա խոսքով՝ նոր զորակոչի մոդելը զինվորական հաշվառման գործընթացն ինքնին ավելի հարմար կդարձնի քաղաքացիների համար։ Զորակոչիկները կկարողանան տարվա ընթացքում առանց շտապելու անցնել բժշկական զննում, մասնագիտական ընտրություն և այլ ընթացակարգեր։

Պետդումայի պաշտպանության հանձնաժողովի ղեկավարի խոսքով՝ վերջին տարիներին զորակոչիկների թիվը մոտավորապես նույնն է եղել, իսկ զինված ուժերի թիվն աճում է պայմանագրային զինծառայողների շնորհիվ:

«Ներկայիս համակարգը հնացած է և չի համապատասխանում թվային դարաշրջանի իրողություններին։ Ամեն անգամ փաստի առաջ ենք կանգնում, նոր հրամանների և ընթացակարգերի պատճառով»,- նշել է նա: