Բարբարոսներ. Էրդողանը՝ Նեթանյահուի և նրա մարդասպանների ցանցի մասին
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենիամին Նեթանյահուի և Իսրայելի պաշտպանության բանակի գործողությունները Գազայի հատվածում գերազանցել են Հիտլերի հանցագործությունները: Թուրքիայի առաջնորդն այս մասին ասել է X-ի իր էջում:
«Նեթանյահուն և նրա մարդասպանների ցանցը արդեն գերազանցել են Հիտլերին բարբարոսությամբ։ Նույնիսկ Հոլոքոստի ժամանակ Եվրոպայում չեն եղել այնպիսի անմարդկային դրսևորումներ, ինչպիսին Գազայում էր», - ասվում է հայտարարության մեջ։
Թուրքիայի առաջնորդը նաև կոչ է արել միջազգային հանրությանը չհանդուրժել դաժանությունը և արձագանքել պաղեստինցիների զանգվածային մահվան դեպքերին։
Հավելենք՝ ավելի վաղ պաղեստինյան արմատական ՀԱՄԱՍ շարժումը հայտարարել էր, որ Գազայի հատվածի ավելի քան 2 միլիոն բնակիչներ սովամահության վտանգի տակ են շարունակվող շրջափակման պատճառով:
