Սևանա լճում ջրափրկարարներն ափ են դուրս բերել դեռահասին

Հուլիսի 20-ին, ժամը 14։30-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի հանրային լողափերից մեկում  ջրափրկարարները նկատել են դեռահասի, ով ջրային ներքնակով ափից մի քանի կիլոմետր հեռացել է: Այս մասին հայտնում է տեղի փրկարարական ծառայությունը:

Հերթապահություն իրականացնող ջրափրկարարները  իրավիճակին օպերատիվ արձագանքելով՝ դեռահասին անվնաս դուրս են բերել ափ։