Եթե Իրանն իսկապես ցանկանում է բանակցել, մենք այստեղ ենք, հիմա ժամանակն է. Թրամփ

ԱՄՆ նախագահ Դոնալդ Թրամփը հայտարարել է որ Իրանը ցանկություն է հայտնել բանակցություններ սկսել, բայց Թեհրանը պետք է ավելի վաղ հանդես գար նման նախաձեռնությամբ: 

«Ես միջնորդներից հաղորդագրություններ եմ ստացել, որ Իրանը ցանկանում է բանակցել և նվազեցնել լարվածությունը։ Բայց նրանք պետք է դա անեին մինչև 60 օրվա լրանալը։ Նրանք ունեին 60 օր, և 61-րդ օրը ես ասացի, որ մենք համաձայնություն չունենք։

Նրանք ցանկանում են համաձայնագիր, և դա ցավոտ է երկու կողմերի համար։ Բայց ես կասեի, որ Իրանը չի հաղթում այս պատերազմում, և նրանք պետք է հիմա սկսեն բանակցությունները, քանի շատ ուշ չէ։ Եթե Իրանն իսկապես ցանկանում է բանակցել, մենք այստեղ ենք, հիմա ժամանակն է։ Մենք աջակցում ենք Իսրայելին, և նրանք հիմա լավ աշխատանք են կատարում», - ասել է նա: