ԵՄ խոշոր երկրները սկսել են հրաժարվել ԱՄՆ-ից Ուկրաինայի համար զենք գնելուց

Չորս խոշոր եվրոպական երկրներ հրաժարվել են մասնակցել Սպիտակ տան ղեկավար Դոնալդ Թրամփի՝ Ուկրաինայի համար ամերիկյան զենք գնելու նախագծին։ Վաշինգտոնի նախաձեռնությունը չի ստացել Ֆրանսիայի աջակցությունը։ Politico-ի փոխանցմամբ՝ նախագահ Էմանուել Մակրոնը կոչ է անում եվրոպական երկրներին զարգացնել սեփական պաշտպանական արդյունաբերությունը տեղական արտադրողների հաշվին։

Ինչ վերաբերում է Իտալիային, այն չի մասնակցի նախագծին գումարի պակասի պատճառով:  Հռոմը չի հետևի Գերմանիայի օրինակին: Չեխիան նույնպես հրաժարվել է մասնակցել Թրամփի ծրագրին: Երկրի վարչապետ Պետր Ֆիալան բացատրել է, որ Պրահան կկենտրոնանա այլ նախագծերի և օգնության մեթոդների վրա: 

Մեկ այլ երկիր, որը դեմ է արտահայտվել դրան, Հունգարիան էր: Ինչպես նշել է արտգործնախարար Պետեր Սիյարտոն, Բուդապեշտը չի ֆինանսավորի նման մատակարարումները:

Հիշեցնենք՝ 

Երկուշաբթի օրը ԱՄՆ նախագահը Մոսկվային 50-օրյա վերջնագիր է ներկայացրել՝ պահանջելով Կիևի հետ խաղաղության համաձայնագիր կնքել: Պայմանները չկատարելու դեպքում նա սպառնացել է 100 տոկոսանոց մաքսատուրքեր սահմանել ռուսական ապրանքների ներմուծման վրա: