Ադրբեջանի պատգամավորը՝ Ռուսաստանի ԱՊՀ անդամ երկրներում լրտեսությամբ զբաղվելու մասին

«Սպուտնիկ Ադրբեջան» գործակալության ձերբակալված ղեկավարները որևէ կապ չունեն լրագրության հետ։ Այս մասին հայտնում է Միլլի Մեջլիսի պատգամավոր Սահիբ Ալիևը:

Պատգամավորն նշել է, որ  լրատվամիջոցները միշտ օգտագործվել են որպես ազդեցության միջոց՝ լավ կամ վատ իմաստով.

«Ռուսաստանը այս առումով տարբերվում է մյուս պետություններից նրանով, որ ինչպես ռազմական ուժ կիրառելիս մոռանում են այնպիսի ասպեկտների մասին, ինչպիսին է ճշգրտությունը, այնպես էլ այս առումով տեղեկատվական քաղաքականությունը շատ չի տարբերվում: Հենց այդպիսի կոպիտ տեղեկատվական միջամտության, որևէ նորմի չճանաչման հետևանքով է, որ տասնյակ պետություններ արգելել են «Սպուտնիկ» գործակալության գործունեությունը, որը  վերջերս փակվեց  Ադրբեջանում: Արևմուտքում արգելված է ոչ միայն «Սպուտնիկը», այլև ռուսական քարոզչական և ապատեղեկատվական ռեսուրսները»,- ասել է պատգամավորը:

Պատգամավորի խոսքով այն փաստը, որ նման իրողություններում Ռուսաստանի լրագրողների միությունը «Սպուտնիկ Ադրբեջան» գործակալության փակումը և լրագրողների անվան տակ անօրինական կերպով գործող հատուկ ծառայությունների երկու աշխատակիցների ձերբակալությունը գնահատել է որպես խոսքի ազատության խախտում և այս կապակցությամբ դիմել է միջազգային կառույցներին, բացարձակապես անբավարար քայլ է:

«Սակայն, ցավոք, վերջերս մենք տեսանք, որ հարևան պետության շատ կառույցներ նույն վարքագիծն են դրսևորում, ուստի մենք այլևս չենք զարմանում դրանից: Ռուսաստանը չի կատարում իր պարտավորությունը և ԱՊՀ անդամ երկրներում զբաղվում է լրտեսությամբ»,- հավելել է Միլլի Մեջլիսի պատգամավոր Սահիբ Ալիևը: