Իսրայելը ռմբակոծություններ է իրականացնում Լիբանանում․ «Հեզբոլլահ»-ին ոչնչացնելու հրաման կա
Իսրայելցի զինվորականները ռմբակոծություններ են իրականացրել հարավային Լիբանանի սահմանային շրջաններում։ Նպատակը՝ ոչնչացնել «Հեզբոլլահ» կազմակերպության ռազմական օբյեկտները: Այս մասին հայտնել է բանակի մամուլի ծառայությունը, փոխանցում է «ՏԱՍՍ»-ը։
«Իսրայելի և Լիբանանի միջև կնքված հրադադարի համաձայնագրերին համապատասխան՝ Իսրայելի պաշտպանության բանակը շարունակում է գործել՝ Իսրայելի պետությանը սպառնացող վտանգները վերացնելու և «Հեզբոլլահ» ահաբեկչական կազմակերպության ներկայությունը կանխելու համար», - ասվում է Իսրայելի պաշտպանության բանակի մամուլի ծառայության հաղորդագրության մեջ։
Բանակի մամուլի ծառայության տարածած հաղորդագրության համաձայն՝ իսրայելական զորքերը հայտնաբերել և ոչնչացրել են զենքի պահեստ և «Հեզբոլլահ»-ի մի քանի կրակակետեր:
