Sputnik Ադրբեջանի աշխատկիցների խափանման միջոցը չի փոխվել․ նրանք կալանքի տակ կմնան
Բաքվի դատարանը կալանքի տակ է թողել Sputnik Ադրբեջանի ղեկավար Իգոր Կարտավիխին և գլխավոր խմբագիր Եվգենի Բելոուսովին։ Տեղեկությունը հայտնում է ՌԻԱ Նովոստին` հղում անելով Sputnik-ի խմբագրությանը։
«Այսօր Բաքվի դատարանը քննել է մեր գործընկերներ Իգոր Կարտավիխի և Եվգենի Բելոուսովի փաստաբանների՝ խափանման միջոցը փոխելու վերաբերյալ բողոքարկումները ։ Ցավոք, փաստաբանների բողոքները մերժվել են։ Իսկ խափանման միջոց կալանավորումն ընտրելու մասին առաջին ատյանի դատարանի որոշումն ուժի մեջ է մնացել։ Մեր ընկերները շարունակում են մնալ կալանքի տակ», - ասվում է հաղորդագրության մեջ։
Հիշեցնենք՝ Ադրբեջանի ՆԳՆ-ն քրեական գործ էր հարուցել «Sputnik Ադրբեջանի» դեմ, կատարվել էին մի շարք ձերբակալություններ։
