Խնդրում են ինձ ներգրավվել, ես դա չեմ անելու․ Բայդեն
ԱՄՆ նախկին նախագահ Ջո Բայդենը հայտարարել է, որ եվրոպացի առաջնորդները զանգահարում են իրեն և խնդրում ներգրավվել քաղաքականության մեջ։ Նրա խոսքերը մեջբերել է Hill թերթը։
«Ես զանգեր եմ ստանում մի շարք եվրոպացի առաջնորդներից, որոնք խնդրում են ինձ ներգրավվել։ Ես դա չեմ անելու, բայց խորհուրդներ եմ տալիս։ Ես նաև զանգեր եմ ստանում բազմաթիվ գործընկերներից՝ դեմոկրատներից և հանրապետականներից»,- ասել է Բայդենը։
Միևնույն ժամանակ, նախկին նախագահը չի բացահայտել, թե ինչ թեմաների շուրջ են իր հետ խորհրդակցել։
