Զախարովան՝ Մոսկվայի և Բաքվի հարաբերությունները խոչընդոտող ուժերի մասին
Ռուս-ադրբեջանական հարաբերություններում խորը իմաստ կա։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, գրում է «ՏԱՍՍ»-ը։
«Մենք պետք է հիշենք, որ Մոսկվայի և Բաքվի միջև հարաբերությունները ռազմավարական դաշինքային բնույթ են կրում։ Իհարկե, կան ուժեր, որոնց սա դուր չի գալիս», - հավելել է դիվանագետը։
Դիվանագիտական գերատեսչության պաշտոնական ներկայացուցիչը նշել է, որ նման դաշինքը «որոշակի ուժերի մոտ դառնություն է առաջացնում և ցանկանում են միջամտել»։
«Մենք չպետք է թույլ տանք, որ դա տեղի ունենա։ Յուրաքանչյուր սուբյեկտի հետ փոխազդեցության մեջ կան խնդրահարույց հարցեր՝ լինի դա միջազգային հարաբերություններ, լինի դա անձնական կյանք։ Հարցն այն է, թե ինչպես լուծել դրանք։ Իհարկե, մենք պետք է ելնենք այդ հարցերը մեր հարաբերությունների կարգավիճակին համապատասխան լուծելու անհրաժեշտությունից», - ասել է դիվանագետը
